Преподобный Алексий человек Божий
Преподобный Алексий родился в Риме в семье благочестивых и нищелюбивых Евфимиана и Аглаиды. Супруги долгое время были бездетны и неустанно молили Господа о даровании потомства. И Господь утешил супругов рождением сына Алексия. В шесть лет отрок начал учиться и успешно изучал светские науки, но особенно прилежно читал Священное Писание.
Став юношей, он начал подражать своим родителям: строго постился, раздавал милостыню и под богатой одеждой тайно носил власяницу. В нем рано созрело желание оставить мир и служить Единому Богу. Однако родители собирались женить Алексия и, когда он достиг совершеннолетия, нашли ему невесту.
После обручения, оставшись вечером наедине со своей невестой, Алексий снял с пальца перстень, отдал ей и сказал: «Сохрани это, и пусть Господь будет с нами, Своей благодатью устраивая нам новую жизнь». А сам тайно ушел из дому и сел на корабль, отплывавший в Месопотамию.
Попав в город Эдессу, где хранился Нерукотворный образ Господа, Алексий продал все, что у него было, роздал деньги нищим и стал жить при церкви Пресвятой Богородицы на паперти и кормиться подаянием. Переподобный питался только хлебом и водой, а полученную милостыню раздавал немощным и престарелым. Каждое воскресенье он причащался Святых Таин.
Родные всюду искали пропавшего Алексия, но безуспешно. Слуги, посланные Евфимианом на розыски, побывали и в Эдессе, но не узнали в нищем, сидящем на паперти, своего господина. От строгого поста тело его высохло, красота исчезла, зрение стало слабым. Блаженный же узнал их и благодарил Господа за то, что получил подаяние от своих слуг.
Безутешная мать святого Алексия затворилась в своей комнате, непрестанно молясь за сына. Жена его горевала вместе со свекровью.
Преподобный прожил в Эдессе семнадцать лет. Однажды пономарю церкви, при которой подвизался преподобный, было откровение о нем. Матерь Божия через Свою святую икону повелела: «Введи в Мою церковь человека Божия, достойного Царства Небесного; молитва его восходит к Богу, как кадило благовонное, и Дух Святый почивает на нем». Пономарь стал искать такого человека, но долго не мог найти. Тогда он с молитвой обратился к Пресвятой Богородице, прося Ее разрешить его недоумения. И снова был глас от иконы, возвестивший, что человек Божий есть тот нищий, который сидит на церковной паперти. Пономарь нашел святого Алексия и ввел в церковь.
Многие узнали о праведнике и стали почитать его. Святой, избегая славы, тайно сел на корабль, отправлявшийся в Киликию. Но Промысл Божий судил иначе: буря унесла корабль далеко к западу и прибила к берегу Италии. Блаженный направился в Рим. Неузнанный, он смиренно просил у своего отца разрешения поселиться в каком-нибудь уголке его двора. Евфимиан поместил Алексия в специально устроенном помещении при входе в дом и велел кормить его со своего стола.
Живя в родительском доме, блаженный продолжал поститься и проводить дни и ночи в молитве. Он смиренно терпел обиды и насмешки от слуг родного отца. Комната Алексия находилась напротив окон его невесты, и подвижник тяжко страдал, слыша ее плач. Только безмерная любовь к Богу помогала блаженному переносить эту муку. Святой Алексий прожил в доме своих родителей семнадцать лет и был извещен Господом о дне своей кончины. Тогда святой, взяв хартию, описал свою жизнь, прося прощения у родителей и невесты.
В день кончины святого Алексия в соборной церкви служил литургию Римский Папа Иннокентий (402-417) в присутствии императора Гонория (395-423). Во время службы из алтаря раздался чудесный Голос: «Приидите ко Мне вси труждающиися и обремененнии, и Аз упокою вы» (Мф. 11, 28). Все присутствовавшие в страхе пали на землю. Голос продолжал: «Найдите человека Божия, отходящего в вечную жизнь, пусть он помолится о городе».
Стали искать по всему Риму, но не нашли праведника. С четверга на пятницу Папа, совершая всенощное бдение, просил Господа указать угодника Божия. После литургии вновь в храме послышался голос: «Ищите человека Божия в доме Евфимиана». Все поспешили туда, но святой уже умер. Лицо его светилось подобно лику Ангела, а в руке была зажата хартия, которую он не выпускал, как ни старались ее взять.
Тело блаженного положили на одр, покрытый дорогими покрывалами. Папа и император преклонили колена и обратились к преподобному, как к живому, прося разжать руку. И святой исполнил их мольбу. Когда письмо было прочитано, отец, мать и невеста праведника с плачем поклонились его честным останкам.
Тело святого, от которого начали совершаться исцеления, было поставлено посреди площади. Сюда собрался весь Рим. Император и Папа сами внесли тело святого в церковь, где оно находилось целую неделю, а затем было положено в мраморную гробницу. От святых мощей стало истекать благоуханное миро, подававшее исцеление больным.
Честные останки святого Алексия, человека Божия, погребены в церкви святого Вонифатия. В 1216 году были обретены мощи. Житие святого преподобного Алексия, человека Божия, всегда было одним из любимых на Руси.
Преподобный Алексий человек Божий
АЛЕКСИЮ, ЧЕЛОВЕКУ БОЖИЮ
Тропарь, глас 4
Возвысився на добродетель и ум очистив, / к желанному и крайнему достигл еси, / безстрастием же украсив житие твое / и пощение изрядное восприим совестию чистою, / в молитвах, яко безплотен, пребывая, / возсиял еси, яко солнце, в мире, / преблаженне Алексие.
Иной тропарь, глас 4
Яко чистоты светильник пресветел показася, / дивный Алексие, / ибо тленный чертог / на нетленное Божие Царствие пременив, / яко целомудрия делатель преизряден. / Сего ради предстоиши Господеви, всех Царю. / Егоже моли, даровати нам мир и велию милость.
Кондак, глас 2
Дом родителей твоих, яко чужд, имев, / водворился еси в нем нищеобразно / и, по преставлении венец прием славы, / дивен на земли явился еси, Алексие, человече Божий, / Ангелом и человеком радование.
Ирмос: Во глубине постла иногда фараонитское всвоинство преоруженная сила, воплощшееся же Слово всезлобный грех потребило есть, препрославленный Господь славно бо прославися.
Теснейший шествовал еси путь, непорочное и преподобное житие, мудре, проходя от юности, темже мою тесноту разшири ума восхвалити тя, в райстей широте водворяяся, Алексие.
Тебе самаго весьма Богу возложив, блаженне, вне плоти и мира был еси, богатству текущу Небесное предпочел еси и пребывающее и обещанный град Сион вечнующий.
Ложесн ты матерних неплодие разрешил еси, рождся, якоже Самуил, пребогате, во чреве же сердца чистый зачен страх, родил еси дух спасения Божественных добродетелей верою.
Богородичен: Божий Собезначальный Сын име яко виновну Тя к нам, Дево, подобия, едину, паче всея твари, Чистая, чисту Тя обрет. Тем Тя поем, вси роди, и ублажаем.
Ирмос: Процвела есть пустыня, яко крин, Господи, языческая неплодящая, Церковь пришествием Твоим, в нейже утвердися мое сердце.
Пронзаемь желанием чистоты, чертогом, иже на земли, Небесный пременил еси и жены любовию сладчайшее Ангельское подобие.
Молвы житейския и тяжесть богатства оставил еси и пресельник был отечества, блаженне Алексие, Христове нищете подобяся.
Слезами, и болезньми, и воздержанием, всемудре, благое взыскал еси, когда приидет свет разума, безстрастие дая сердцу твоему.
Богородичен: Горе невидимый Ангелом, Чистая, доле из Тебе раждаемь, зрится совершен Человек, погибающий мир обновляя.
Мира красоту, преподобне, оставил еси, пременив богатством текущим непроходимое яве и пребывающее, Алексие. Темже со всеми тя святыми славим и торжествуем светло в памяти твоей, просяще обрести молитвами твоими, блаженне, велию милость.
Недомысленно и непостижно есть, Владычице Богорадованная, еже соделанное о Тебе страшное Божие таинство, ибо Необыменнаго, заченши, родила еси, плотию обложена от пречистых кровей Твоих. Егоже всегда, Чистая, яко Сына Твоего моли спастися душам нашим.
Ирмос: Пришел еси от Девы, не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.
Претерпел еси нищету, проситель быв, нищ, якоже Лазарь, желание бо Божественное утешаше, блаженне, сердце твое, пожелавшее богатства Небеснаго.
Безпечальнаго и тихаго жития возжелал еси, единощи ядый в седмице, Алексие, желанием ожидающаго тя не мимотекущаго, всеблаженне, наслаждения.
Храм Богу сердце ищай соделати, в дому возлюбил еси Богоматере, славне, всегда седети и Небесныя доброты созирати.
Богородичен: Воздоивши Дателя, Дево, млека, алчущее и утесняемое ныне сердце мое насыти всякаго разума и умиления Божественнаго, молю Тя.
Ирмос: Ходатай Богу и человеком был еси, Христе Боже: Тобою бо, Владыко, к Светоначальнику Отцу Твоему, от нощи неведения приведение имамы.
Токи священными напаяя всегда слез твою душу, соделал еси клас, воистину сторичествующ, Делателю Безсмертному добре соблюдаемь.
Виден был еси на земли, житие Безплотных подражая, премногим твоим, отче, воздержанием, досточудне, и в молитвах прилежанием, имже, яко светом, просветился еси.
Огнем молитв греха попалил еси вещь, мудре, бденными же стояньми всякое сладострастие успил еси, уснув же, к сиянию преставился еси невечернему.
Богородичен: Иже, во Свете живый, во святое чрево Твое вселися, Чистая, мир, погибший тьмою неразумия, паки назидая, Егоже моли вся просветити, поющия Тя.
Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Яко храм жив Божий, тя, бывша Христово селение, Неискусобрачная проявляет крыющася и прославляет утаитися тщащагося.
Молитвы твоя Богу, яко кадило, блаженне, приятны быша, отсюду житием твоим верных разумы облаговонил еси Духа благодатию.
Священным житием украшаема, паки Христос не хотяща, славне, тя отечеству дает, отбегающа славы привременныя.
Богородичен: Законы естества, Чистая Владычице, Зиждитель, новосоделавый создания, из Тебе неизреченно раждается и обожает мя безмерною милостию.
Дом родителей твоих, яко чужд, имев, водворился еси в нем нищеобразно и, по преставлении венец прием славы, дивен на земли явился еси, Алексие, человече Божий, Ангелом и человеком радование.
Житием и словесы украсился еси и Христову Церковь возвеличил еси твоим житием, отца и матерь, царя и люди торжествовати устроив, делы же соблюд, еже по образу Божию, Алексие преподобне, возсиял еси в мире твоим целомудрием. Темже благодать добродетелей твоих облиставает вся, верою празднующия, отче, память твою, явил бо ся еси Ангелом и человеком радование.
Ирмос: Богопротивное веление беззаконнующаго мучителя высок пламень вознесло есть. Христос же простре Богочестивым отроком росу духовную, Сый благословен и препрославлен.
Претерпел еси, преподобне, пред родительными враты седя, и весьма непознаваемь, и от отрок ругания подъемля, и наругаемь люте, и нищетою многою оскорбляемь.
Плоти твоея мудрование умертвив, зря родители, и сими непознаваемь, естества покрывал еси нужду, преподобне, и презрение твоих неискусных отрок, оскорбляющих тя.
О, чудесе! Како пребыл еси, присно нищетствуя, в богатстве, Алексие, безмернаго смирения? Како претерпел еси ругания и укоризны от отрок, премудре, твоих, не ведевших жития твоего?
Богородичен: Великаго служительница Ты таинства была еси, Всенепорочная: Бога бо воплотила еси, великих зол нас избавльшаго, Тя величающия, Чистая Благословенная, Богорадованная.
Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.
Неведом прежде родителем сый, во время отшествия твоего сим тайну открываеши, являемь в славу Бога нашего, славне, вельми тя и достойне прославльшаго.
Господь гласом велиим являет тя всему Риму, сокровенное сокровище, пребогате, в нищетне образе лежаща и дары врачеваний вся, верою к тебе приходящия, обогащающа.
Князи людстии, и царие снидошася, и священницы, блаженне, погребсти тя Божиим мановением и, видяще велие видение, дивишася чудесем, преподобне, яже творил еси Божественною силою Духа.
Богородичен: Истлевшия ны древле преступлением обновляя, Человеколюбец нетленно воплотися от нетленныя Твоея, Всенепорочная, утробы и избави всех греховныя тли, Богоневестная.
Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная, тем Всепетую Богородицу величаем.
Исцеления источил еси, ко гробу несом, Богу тя, блаженне, вельми славящу: свет бо невидящии видеша и глаголание прияша прежде суще немии, всеславне Алексие.
Виден был еси, предлежащ и к погребению несом, яко солнце, отче, испущая исцелений зари преславно, и темныя страсти отгоняя, и опаляя демоны, и просвещая Богомудрыя.
Прииде погребсти тя Патриархов первейший, царь же, вельми христолюбивейший, князи, старцы и юнии и монашествующих лицы, Божественным мановением освящающеся прикосновением твоим, блаженне.
Восхищен был еси, на колеснице добродетелей несом, и почиваеши, идеже преподобных чини, собор апостол и мучеников, патриархов и всех праведник, с нимиже нас помяни, почитающия тя, Алексие.
Богородичен: Глас Тебе приносим Гавриилов, Всенепорочная, радуйся, глаголюще, ниво неделанная; радуйся, клятвы разрешение; радуйся, источниче воды животныя, преподобных похвало, Богородице Приснодево.
О, чудо: како во вратех родителей твоих, многолетне, якоже некий адамант, терпел еси, естества нуждею не преклонился, ни родителей же и супружницы, Алексие, горькими рыданьми.
О, великий Христов угодниче, святый человече Божий Алексие, душею на Небеси Престолу Господню предстояй, на земли же данною ти свыше благодатию различная совершаяй чудеса! Призри милостиво на предстоящия святей иконе твоей люди, умиленно молящияся и просящия от тебе помощи и заступления. Простри молитвенно ко Господу Богу честнии руце твои и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же, чтущим тя, мирную и христианскую живота кончину и добрый ответ на страшнем Суде Христове. Ей, угодниче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да, твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление, ныне, и присно, и во веки веков. Аминь.